Қазақстандық "Бәйтерек" мемхолдингі жақында ресейлік Сбербанктің еншілес бөлімшесін сатып алды, өйткені ол батыстық санкцияларға ұшырады және Қазақстанда жұмыс істей алмайтын болды. Бірақ бірнеше айдан кейін "Бәйтерек" тағы бір келісім жоққа шығарылмайтынын мәлімдеді. Банк инвесторларға сатылуы мүмкін. Бұл ретте шетелдіктерге артықшылық беріледі.
Мемлекеттік холдинг басшысы Қанат Шарлапаев: "Біздің міндетіміз — банктің жұмысын қалыпқа келтіру үшін жағдай жасау. Мемлекеттік акционерлер болған жағдайда, осы банкті санкциялар тізімінен шығару жөніндегі диалог айтарлықтай дәрежеде жеңілдетіледі. Банктің жұмысы қалыпқа келгеннен кейін біз бірден стратегиялық инвесторларды іздей бастаймыз" деп мәлімдеді.
Қазіргі иелерінің пікірінше, банк санкциялар тізімінен шығарылады, оның жұмысы қалыпқа келтіріледі, содан кейін ол сатылымға шығарылады.
Алайда, банктің одан әрі қайта сатылуы туралы Қазақстан Қаржы нарығын реттеу және дамыту агенттігінің төрағасы Мәдина Әбілқасымова да мәлімдеген болатын. Бұл ретте, ол Сбербанктің қосымша ақша құюды талап етпейтінін, ол толығымен төлеуге қабілетті және тұрақты екенін айтты.
Сбербанкті шетелдік инвесторларға сату себебін ерекше атап өтуге болады. Қанат Шарлапаев банктік қызметтер нарығындағы алуан түрліліктің артуы бәсекелестіктің шиеленісуіне әкеледі, ал бұл өз кезегінде қызметтер сапасының жақсаруына алып келеді деп есептейді. Клиенттердің артынан қуып банктер мейлінше сапалы сервис ұсына бастайды, жаңа технологияларды енгізе бастайды, мөлшерлемелерді төмендетіп, өнімдер желісін кеңейте бастайды.
Бір сөзбен айтқанда, Сбербанктің клиенттеріне әзірше алаңдаудың қажеті жоқ - олардың шоттары мен ақшасына еш әсері болмайды.
